تخبيص حماس

نقلا عن سوريا نيوز: قال الرئيس بشار الأسد إن “حركة المقاومة الإسلامية حماس مستعدة للموافقة على السلام إذا أوقفت إسرائيل عدوانها على قطاع غزة وانسحبت منه”.

إذا حركة حماس تريد السلام مع اسرائيل أو لنقل التهدئة على أن تكف الأخيرة عن عدوانها . . بعبارة أخرى (بفتح الألف) حماس تطالب بعودة الأمور الى ما كانت عليه قبل العدوان والله يرحم اللي استشهد والله يكون بعون اللي بقي يتنفس!!

حقيقة انا مفلوج ومجلوط وعلى طريقة الأستاذ فيصل سلمان “ فكر فيها ” .

———–

مواضيع ذات صلة:

أما آن لحماس التنحي؟!

استجلاء لفكرة الثقة في المقاومة.

صراع الوجود.

فضيلة عربية.

~ بواسطة عبد السلام إسماعيل في 2009/01/07.

8 تعليقات to “تخبيص حماس”

  1. أخي أعواد ثقاب ..

    مو طالع بإيدون شي .. يعني شو متوقــع ؟؟؟

    إذا تم إيقاف القصف الآن نحمد الله ومنشكره

    الشغلة مو متوقفة بس على حماس و لتكن نظرتك أبعد من ذلك ..

    يلي عم ياكل العصي مو متل يلي عم يعدّا .. نحنا مو معون بغزة والحكي اسهل بكتير من الفعل
    كل واحد عم ينظر من بعيد ..

    لك الله يكون بعونون يارب

    على الرغم من أن الفرصة الآن مناسبة جدّاً ليتخذ كل العرب موقف ما للضغط على اسرائيل وليس فقط حماس علّهم يغيرون قليلاً من الموازين ..

    ويلي بدو ما بيوقف شي بطريقو

  2. مدا بيد حركة حماس لتفعله ولهدا ستطالب بتهدء
    http://www.1000dollare.blogspot.com/

  3. كما قال من سبقني أن من يعد العصي ليس كمن يتلقاها

    ففي بداية الحرب قلت في نفسي لو وافقت حماس على رجوع التهدئة فهي مفرطة في دماء الشهداء اللذين قتلوا

    والآن ايقنت أن الرجوع للتهدئة هو نصر للمقاومة

    فهي ما زالت كما كانت واقوى

    وأنا أقول لك لو قابلت أحد اللذين قتل أهله وسألته هل تؤيد التهدئة سيقول نعم

    على الأقل يستطيع النوم تحت جدران

  4. وأنا أقول لك لو قابلت أحد اللذين قتل أهله وسألته هل تؤيد التهدئة سيقول نعم

    على الأقل يستطيع النوم تحت جدران

    أبو جود said this on 2009/01/08 في 3:16

    ليه وين الجدران اللي بقيت لينامو تحتا!!!
    ما بقي غير دمار وقهر بقلب كل واحد على فقدان أب او أخ او أم او أخت او طفل او جار .
    وان صار هدنة ووقفت الحرب . لكن بيبقى حرب دائمة داخل كل واحد .

  5. بتعرف ليش نحنا العرب بحياتنا مارح نتغير؟
    لأنو بدنا معجزة..
    ناطرين معجزة ..يعني حماس رغم كل الظروف الصعبة إلي عم تواجها برأينا السخيف واللامسؤول لازم تنتصر..كيف ما منعرف ..بس الحكام العرب شو عم يعملوا ليساعدوا هاد النصر ما بيهمنا ..نحنا بيهمنا ننتقد
    يعني بدل ما ننتقد إلي سبب المشكلة مننتقد إلي آكل الأتلة ومنكفي عليه ومنقتلوا ..
    ما منعرف ندافع عن حدا مظلوم ولا عن رأي ولا عن قناعة
    برأيي مو حماس إلي خبصت الشي إلي عملتو حماس مو هو بداية المشكلة..الشي إلي عملتو حماس إسمو ” دفاع ..عن الحد الأدنى من الحياة الإنسانية..دفاع عن أرض وبعتقد هاد شي طبيعي ومنطقي بأي مكان بالعالم صار إحتلال..و صار في مقاومة “..بس التخبيص..هو كل شي غير هي الحقيقة
    يعني حماس بتتمنى إنو الوضع يرجع متل ما كان..! ولا هاد الشي عم تفرضوا الدول العربية قبل اسرائيل

  6. تحياتي . . بداية سيد ابو جود اضطررت الى تحرير السطر الأول من تعليقك (رغم كرهي لهذا المبدأ) ولكن لم اجد له أي داع خصوصا ان الخبر متداول في كل الوكالات والرئيس الأسد أظنه داعم وحاضن لحماس وسيريا نيوز بالمثل وبالتالي لا مصلحة لكلا الطرفين في اختلاق وترويج أخبار عارية عن الصحة.

    لكن ما يهم من سطرك الأول انك تتفق معي من خلال استنكارك الواضح ان الطلب بعودة الأوضاع الى ما قبل الحرب وفتح المعابر لفترة محدودة الأجل او خاضعة للمزاج الإسرائيلي فهذه جريمة لا تغتفر بحق كل الشهداء الاموات والشهداء الأحياء.

    فمن غير المعقول ان تحدث هذه الكارثة ويأتون تحت ضربات الأمر الواقع للمطالبة بالعودة الى ما قبل المجزرة.

    اخي ديسمبر طالما ان حركة حماس قررت الدفاع عن الحد الأدنى من الحياة الإنسانية (وهذا صحيح) فعليهم الإستمرار بما هم فيه من جهاد حتى يخرجوا من هذا السجن الكبير واللاإنساني المسمى غزة.

    حياة وتضحيات البشر لها قيمة كبيرة فيجب ألا تذهب سدى في الهواء مقابل لاشيء (العودة الى ما قبل الحرب).

    اما الحديث عن العرب فأرجوك . . هذا ليس بالجديد.

    ومن صدف الأمور ان الزميلة رزان غزاوي كتبت نداء وتدوينة تمثل لب ما أرمي إليه من الفكرة التي قصدتها هنا.

    http://razanghazzawi.com/2009/01/09/a-call-for-arab-bloggers-and-readers/

  7. سلام يا شباب
    شو وين عايشين؟؟ ما بتسمعوا أخبار؟؟
    شو هالتخبيص اللي عم تحكوه انتو؟
    طز فيك وفيه وفي كل واحد ما بيعرف قيمة الجهاد في سبيل الله، هاي مقاومة يا أوباش ياللي ما بتفهموا شي بالحياه

  8. شكرا حسين . . بس سؤال انت قرأت المضمون شي؟
    لأنه واضح من تعليقك انك اكتفيت بالعنوان!!

التعليقات مغلقة.

 
%d مدونون معجبون بهذه: